គ្រួសារលោកគឹមជោតិ៖ គ្រួសារគំរូអំពីការរៀនសូត្រ

លោកគឹមជោតិ(ស្តាំ) រួមជាមួយប្រពន្ធសំណេះសំណាលជាមួយលោកង្វៀងថាញ់ង៉ីប។
     លោកគឹមជោតិ បានឱ្យដឹងថា៖ ក្រោយពេលបានបណ្តុះបណ្តាលមុខជំនាញគរុកោសល្យ ឆ្នាំ ១៩៨៥ លោកបានជ្រើសរើសចូលបំពេញការងារក្នុងផ្នែកអប់រំឈរថ្នាក់បង្រៀននៅតាមបណ្តាសាលាកម្រិតបឋមសិក្សាលើភូមិសាស្រ្តឃុំ។ ក្នុងរយៈពេល ៣០ ឆ្នាំបង្ហាត់បង្រៀននៅឆ្នាំ ២០១៥ លោកបានបញ្ជូនមកឱ្យបំពេញការងារនៅមជ្ឈមណ្ឌលសិក្សាសហគមន៍ឃុំង៉ាយស្វៀង រួចដល់ដើមឆ្នាំ ២០២១ លោកទទួលបានរបបចូលនិវត្តន៍។ ទោះបីស្ថិតក្នុងតួនាទីឬវិស័យណាក៏ដោយ លោកគឹមជោតិតែងសម្រេចល្អភារកិច្ចដែលបានប្រគល់ជូន ជាក់ស្តែងគឺពេលលោកមកទទួលតំណែង ជានាយករងមជ្ឈមណ្ឌលសិក្សាសហគមន៍របស់ឃុំ លោកមានបណ្តាសំណើ ចាត់តាំងបណ្តាថ្នាក់រៀនសមស្របជាមួយស្ថានភាព និងវិស័យរបស់មូលដ្ឋាន។ អាស្រ័យហេតុនោះ បានជួយឱ្យគុណភាពផលិត ចិញ្ចឹមសត្វរបស់បណ្តាគ្រួសារកសិករលើភូមិសាស្រ្តមិនបង្អង់បានលើកកម្ពស់រូបលោក បានទទួលស្គាល់សម្រេចឆ្នើមភារកិច្ចដំណាក់កាល ៥ ឆ្នាំ(២០១៥ -២០២០) ព្រមទាំងកិត្តិនាមជាច្រើនទៀត។
     ចំពោះការងារកសាងគ្រួសាររៀនសូត្រ រូបលោក ផ្ទាល់តែងធ្វើជាគំរូ ទោះបីមានអាយុច្រើនក៏ដោយ ប៉ុន្តែលោកនៅតែលើកកម្ពស់ការរៀនសូត្រគឺសំដៅបំពេញបន្ថែមចំណេះដឹងសម្រាប់ការរស់នៅ។ អាស្រ័យហេតុនោះ លោកតែងជំរុញទឹកចិត្តឱ្យ កូនៗ ត្រូវចាត់ទុកការរៀនសូត្រជាការសំខាន់ ជាភារកិច្ចប្រចាំឆាកជីវិត។ បច្ចុប្បន្នកូនទាំង ៤ នាក់របស់គ្រួសារលោក សុទ្ធតែមានការងារធ្វើជាតួយ៉ាងដូចជាកូនម្នាក់ជាឱសថការិនី បំពេញការងារនៅខេត្តទៀងយ៉ាង កូនម្នាក់ទៀតជាឱសថ ការិនី បំពេញការងារនៅស្រុកចូវថាញ់ខេត្តត្រាវិញ។ល។
      លោកង្វៀងថាញ់ង៉ីប ប្រធានសមាគមជំរុញការសិក្សាឃុំង៉ាយស្វៀងបានឱ្យដឹងថា៖ រយៈពេលកន្លង ជាមួយការយកចិត្តទុកដាក់ដល់ការងារជំ រុញការសិក្សា ជំរុញបញ្ញា កសាងគ្រួសាររៀនសូត្រ លោកគឹមជោតិបានសហការជាមួយបណ្តាផ្នែក ពាក់ព័ន្ធបំផុសចលនាបានកម្លាំងប្រជាជនចូលរួមជាមួយការងារជំរុញការសិក្សា។ ជាក់ស្តែងគឺលោកបានសហការជាមួយបណ្តាវត្តខ្មែរលើភូមិ សាស្រ្តជូនកង់ សៀវភៅ អាហារូបករណ៍ ព្រមទាំងសិក្ខូបករណ៍ដទៃទៀតដល់បណ្តាប្អូនៗដែល មានស្ថានភាពគ្រួសារលំបាក មានលទ្ធផលរៀន សូត្រល្អ។ ហេតុនោះ បានរួមចំណែកដល់ការកាត់ បន្ថយអត្រាសិស្សបោះបង់ការសិក្សាដ៏គួរឱ្យពណ៌នា។ ឆ្នាំ ២០២១ អាស្រ័យស្ថានភាពអាសន្នរោគកូវីដ-១៩ ប្រែប្រួលយ៉ាងស្មុគស្មាញ លោកមិនអាចអញ្ជើញទៅបំផុសចលនាបណ្តាសប្បុរសជនជួយ ដល់បណ្តាស្ថានភាពប្អូនៗបានក៏ពិតមែន ប៉ុន្តែលោកគឹមជោតិសន្យាថានឹងវិលមករួមជាមួយសមាគមជំរុញការសិក្សាបំផុសចលនាបណ្តាសប្បុ រសជន ព្រួតដៃជាងទៀតអំពីការងារជំរុញការសិក្សា ជួយដល់សកម្មភាពជំរុញការសិក្សា កសាងគ្រួសាររៀនសូត្របានល្អប្រសើរជាង។ បច្ចុប្បន្ន នៅលើភូមិសាស្រ្ត មានវង្សត្រកូលរៀនសូត្រចំ នួន ៤ ត្រកូល។ បណ្តាគ្រួសារទាំងនោះកំពុងជា គំរូភ្លឺស្វាងក្នុងសហគមន៍ដើម្បីឱ្យមនុស្សជាច្រើន រៀនសូត្រ ខិតខំក្នុងការគិតគូរការរៀនសូត្ររបស់ កូនចៅខ្លួន។
      មិនត្រឹមតែជាគ្រួសារសម្រេចកិត្តិនាមរៀនសូត្រឡើយ រូបលោកគឹមជោតិ នៅទាំងឆ្លៀតពេលចូលរួមជាមួយបណ្តាចលនារបស់សមាគម កសិករ។ ផ្តើមពីនោះ លោកបានសមាគមកសិករ មូលដ្ឋានស្នើទទួលស្គាល់ជាកសិករផលិត ធ្វើអាជីវកម្មពូកែថ្នាក់ខេត្ត។ បច្ចុប្បន្ន គ្រួសារលោកមាន កម្មសិទ្ធិដីផលិតស្រូវប្រមាណ ២០ កុង ដោយ ផលិតស្រូវ ៣ រដូវក្នុងមួយឆ្នាំ គួបផ្សំជាមួយការ ចិញ្ចឹមបសុសត្វ ពាហនសត្វ ជារៀងរាល់ឆ្នាំទទួល បានប្រាក់ចំណូលរាប់រយលានដុង។
     ជាគ្រួសារឆ្នើមមួយអំពីជំរុញការសិក្សាអំពីពង្រីកការផលិត អំពីកសាងគ្រួសារវប្បធម៌។ល។ ម៉្លោះហើយគ្រួសារតែងបានមនុស្សជាច្រើនស្គែស្គាល់ ក្លាយជាគំរូភ្លឺស្វាងមួយក្នុងសហគមន៍ជនរួមជាតិខ្មែរ៕    ​      អត្ថបទ-រូបថត៖ ថាច់សម្បត្តិ