កសាងទម្រង់រៀនសូត្រ និងធ្វើតាមអ៊ំហូបានច្រើនទម្រង់

ជាឃុំមួយដែលមានជនរួមជាតិខ្មែររស់នៅច្រើនកុះករ ស្រូបយកអត្រាប្រមាណ ៧៣% ក្នុងរយៈកាលកន្លង ឃុំថាញ់ស៊ើងស្រុកថ្កូវអនុវត្តសារាចរលេខ ០៥‑CT/TW ចុះថ្ងៃទី ១៥ ឧសភា ឆ្នាំ​ ២០១៦ របស់ការិយាល័យនយោបាយ “ស្ដីពីជំរុញមាំការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញ​”​ ដោយទម្រង់ជាច្រើនផ្សារភ្ជាប់ជាមួយនឹងជីវភាពរបស់បក្ខជន។

សមាជិកអង្គការសម្ព័ន្ធយុវជនឃុំង៉ុកបៀងគិតគូរដល់គ្រួសារក្រីក្រ។

កាលពីមុននោះ បក្ខជនគឹមង៉ុកឡាង នៅភូមិផ្នោរដើមច្រេស ជាគ្រួសារក្រីក្រ គ្មានដីផលិត ជីវភាពជួបលំបាក កាលពីឆ្នាំ ២០១៨ គ្រួសារបងជួលដីបាន ០១ កុងសម្រាប់ដាំបន្លែ ដើម្បីរកប្រភពចំណូលបន្ថែម។ អាស្រ័យទទួលបានការឧបត្ថម្ភរបស់សាខាបក្សភូមិ ទើបឆ្នាំ ២០១៩ គ្រួសារបងបានចាកផុតពីភាពក្រីក្រ។ បក្ខជនគឹមង៉ុកឡាង បានចែករំលែកថា៖ ដើមឆ្នាំ ២០១២ ខ្ញុំបានបក្ខភាគឃុំបន្តឧបត្ថម្ភប្រាក់ ១៤ លានដុង ពីទម្រង់ “ប្រិតសំចៃ ០២ យ៉ាង” សម្រាប់ពង្រីកការផលិត។ ផ្តើមពីប្រាក់ទុននោះខ្ញុំដាំទំពាំងបារាំង និងត្រសក់ ហើយទទួលបានប្រភពចំណូលចីរភាព។

លោកថាច់ថាយបិញ លេខាសាខាបក្សភូមិផ្នោរដើមច្រេសបានឲ្យដឹង៖​ ភូមិមានប្រជាជនចំនួន ៣១៥ គ្រួសារ ក្នុងនោះមានបក្ខជន ១៤ នាក់។ ផ្តើមពីទម្រង់ “ប្រិតសំចៃ ០២ យ៉ាង” បានឧបត្ថម្ភជូនបក្ខជនជាច្រើនលើកនាក់ ឆ្លងកាត់ការលំបាក និងឈានឡើងធូរធាគ្រាន់បើ។

ទម្រង់ “ប្រិតសំចៃ ០២ យ៉ាង” បានបក្ខភាគឃុំថាញ់ស៊ើង ស្រុកថ្កូវបង្កើតកាលពីឆ្នាំ ២០១១ និងបន្តរក្សាមកដល់បច្ចុប្បន្ន។ ក្នុងមួយខែបក្ខជនម្នាក់ៗរបស់បក្ខភាគឃុំចូលរួមគបវាល់ប្រាក់ ១០.០០០ ដុងសម្រាប់ឧបត្ថម្ភបក្ខជនក្រីក្រ​ ជិតក្រ បក្ខជនជួបលំបាកពង្រីកសេដ្ឋកិច្ច ដោយមិនបាច់សងទុនមកវិញ។ ទម្រង់កំពុងពង្រីកប្រសិទ្ធភាព។ ឆ្នាំ ២០១៤ ទូទាំងបក្ខភាគ មានបក្ខជនក្រីក្រ ១៤ នាក់។ មកដល់បច្ចុប្បន្ន ទូទាំងឃុំគ្មាននៅបក្ខជនក្រីក្រឡើយ។

ទន្ទឹមនឹងទម្រង់ “ប្រិតសំចៃ ០២ យ៉ាង” បក្ខភាគឃុំថាញ់ស៊ើងនៅទាំងមានទម្រង់ “រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញ​” ជាច្រើនទៀត ដូចជា៖ ទម្រង់ហ៊ុនប្រាក់ទុនខ្ចីបង្វិលជុំសម្រាប់ពង្រីកសេដ្ឋកិច្ច​ ទម្រង់ចលនាប្រជាជនបរិច្ចាគដីសាងសង់សាលារៀន។ល។ ឧបត្ថម្ភប្រជាជនលំនឹងជីវភាព ពង្រីកសេដ្ឋកិច្ច លំនឹងជីវភាព។

ចំណែកឃុំង៉ុកបៀង អនុវត្តចលនា “យុវវ័យឃុំង៉ុកបៀងប្រឡងប្រណាំងធ្វើតាមដំបូន្មានរបស់អ៊ំហូ” អង្គការសម្ព័ន្ធយុវជនឃុំង៉ុកបៀង​ បានអនុវត្តបណ្តាកិច្ចការរួមដំណើរជាមួយសិស្សក្នុងបណ្ដាថ្ងៃឈានចូលឆ្នាំសិក្សាថ្មី។ បងឡេវ៉ាំងអាង លេខាអង្គការសម្ព័ន្ធយុវជនឃុំង៉ុកបៀងបានឲ្យដឹង៖​ ដើម្បីឧបត្ថម្ភដល់សិស្សដែលមានស្ថានភាពលំបាកក្នុងឆ្នាំសិក្សាថ្មី បច្ចុប្បន្នមាន ១២/១២ សាខាអង្គការសម្ព័ន្ធយុវជនភូមិធ្វើសេនាធិការឲ្យគណៈកម្មការប្រជាជនភូមិ ដើម្បីអនុវត្តកិច្ចការយុវជន រៀបចំជួសជុលសម្ភារប្រើប្រាស់ក្នុងសាលារៀន ទៅសួរសុខទុក្ខជូនអំណោយបណ្តាគ្រួសារគោលនយោបាយ គ្រួសារក្រីក្រ  អស់ទឹកប្រាក់ជាង ៧០ ​លានដុង។ បំផុសចលនាសប្បុរសជនឧបត្ថម្ភកសាងផ្ទះសុខដុម ០១ ខ្នង ស្ពានជនបទ ០១ ខ្សែ សរុបថវិកា ១៧០ លានដុង។ អង្គការសម្ព័ន្ធយុវជនឃុំង៉ុក បៀងទទួលឧបត្ថម្ភសិស្សក្រីក្រ ០២ នាក់ ក្នុងមួយខែសិស្សម្នាក់បានឧបត្ថម្ភ ២០០.០០០ ដុង។

ទន្ទឹមជាមួយការងារទទួលឧបត្ថម្ភសិស្ស ក្នុងរយៈពេលកន្លង ពេលដែលអាសន្នរោគជំងឺកូវីដ‑១៩ រាតត្បាតស្មុគស្មាញ ចូលរួមជាមួយទូទាំងប្រព័ន្ធនយោបាយអង្គការសម្ព័ន្ធយុវជនឃុំង៉ុកបៀងកសាងបានការងារជាក់ស្តែងធ្វើតាមដំបូន្មានរបស់អ៊ំហូដូចជាចូលរួមកម្លាំងជាមួយមូលដ្ឋានបង្ការទប់ស្កាត់អាសន្នរោគជំងឺកូវីដ‑១៩។ លេចធ្លោក្នុងចលនា មានកម្មាភិបាល សមាជិកសម្ព័ន្ធយុវជនជាច្រើនរូប ដូចជា៖ បងគឹមភឿងលេខាសាខាអង្គកាសម្ព័ន្ធយុវជនភូមិព្រៃវល្លិ៍ (បេ) បងត្រឿងធីអ៊ីភុង សមាជិកាសម្ព័ន្ធយុវជនភូមិព្រៃវល្លិ៍(អា)។ល។​ បានស្ម័គ្រចិត្តចូលរួមកម្លាំងរបស់ខ្លួន ដើម្បីបង្ក្រាបអាសន្នរោគជំងឺកូវីដ‑១៩៕

អត្ថបទ‑រូបថត៖ សុខា