កម្មាភិបាលរណសិរ្សឆ្នើម

លោកង្វៀងវ៉ាំងត្រៀកជូនប័ណ្ណសរសើរដល់បុគ្គលឆ្នើម។ រូបថត៖  លីនភឿង

    សំណេះសំណាលជាមួយយើងខ្ញុំ​ បងស៊ើង សួស្តីបានចែករំលែកថា៖ ជ្រួតជ្រាបដំបូន្មានរបស់អ៊ំហូ “កម្មាភិបាលធ្វើការងាររណសិរ្ស ត្រូវតែសកម្ម​និងម្ចាស់ការជួយគណៈកម្មាធិការបក្សដឹកនាំការងាររណសិរ្ស​ផ្សព្វផ្សាយនិងអនុវត្តគោលនយោបាយរបស់បក្សស្ដីពីរណសិរ្ស ព្យាយាមធ្វើការអស់ពីចិត្តចំពោះការងារ” ម៉្លោះហើយបងតែងយល់អំពីតួនាទី ភារកិច្ចរបស់ខ្លួនចំពោះបណ្ដាការងារដែលបានប្រគល់ឲ្យ។ បងបានឲ្យដឹង៖ “ដើម្បីអនុវត្តសម្រេចបណ្ដាការងារមុខជំនាញរៀងរាល់ថ្ងៃមិនត្រឹមតែជាកាតព្វកិច្ចរបស់ខ្លួនខ្ញុំផ្ទាល់ហើយនៅទាំងជាភារកិច្ចចំពោះសមូហភាព ចំពោះ អង្គការចាត់តាំង ចំពោះការរួមចំណែកកសាងប្រព័ន្ធរណសិរ្សឲ្យកាន់តែរឹងមាំ។”

     តាមសំដីរបស់លោកស្រី ង្វៀងត្វឹងថាញ់ អនុប្រធានគណៈកម្មាធិការរណសិរ្សមាតុភូមិវៀតណាមខេត្ត៖ បងស៊ើងសួស្តី​ មានស្មារតីទទួលបន្ទុកខ្ពស់ជាមួយការងារ និងប្រតិបត្តិល្អតាមការប្រគល់ការងារបត់បែងរបស់អង្គការចាត់តាំង ទោះបីឆ្លងកាត់តួនាទីផ្សេងៗជាច្រើនតាមពេលវេលានិងតាមសំណូមពររបស់ការងារកម្មាភិបាល តាំងពីវិស័យចាត់តាំង-ផ្សព្វ ផ្សាយអប់រំ ដល់ប្រជាធិបតេយ្យ-ច្បាប់ ពីការងារ សំបុត្រស្នាម ដល់ការងារធ្វើសេនាធិការគ្រប់គ្រងទំព័រព័ត៌មានអេឡិចត្រូនិចរបស់ស្ថាប័ន បងតែងអនុវត្តល្អការងារដែលប្រគល់ឲ្យ។​ បងជាអ្នកមានស្មារតីព្យាយាមឈានឡើង សាមគ្គីផ្ទៃក្នុងខិតខំរៀនសូត្រដោយខ្លួនឯងដើម្បីលើកកម្ពស់កម្រិតវិជ្ជាមុខជំនាញ ហើយមានការច្នៃប្រតិដ្ឋជាក់ស្ដែងជាច្រើន រួមចំណែកក្នុងការបង្កើនប្រសិទ្ធភាពការងាររណសិរ្សក្នុងខេត្ត។

   មិនត្រឹមតែអនុវត្តល្អការងាររបស់ស្ថាប័ន​ អង្គការចាត់តាំង បងសួស្តីនៅទាំងសកម្មចូលរួមបណ្តាចលនាប្រឡងប្រណាំងនៅមូលដ្ឋាន សហការជាមួយគណៈកម្មាធិការបក្ស រដ្ឋអំណាចអនុវត្តល្អការងារផ្សព្វផ្សាយ ចលនាប្រមូលផ្តុំប្រជាជនអនុវត្តគោលការណ៍របស់បក្ស គោលនយោបាយ ច្បាប់របស់រដ្ឋ បណ្តាចលនាប្រឡងប្រណាំងដែលអាស្រ័យដោយរណសិរ្ស និងបណ្តាអង្គការមហាជន​នយោបាយ-សង្គមបំផុសឡើង រួមចំណែកកសាងនិងពង្រឹងធ្លុងមហាសាមគ្គីទូទាំងជនជាតិ។  ទន្ទឹមនឹងនោះ បងនៅទាំងបង្រៀនអក្សរខ្មែរដោយឥតគិតថ្លៃជូនសិស្សានុសិស្ស (ពីថ្នាក់ទី ១ ដល់ថ្នាក់ទី​ ៧) ដែលមានស្ថានភាពក្រលំបាកនៅតំបន់អាសយជនទៀតផង។

    ផ្តើមពីបណ្តាស្នាដៃដែលសម្រេចបាន ជាច្រើនឆ្នាំកន្លង បងបានគណៈប្រចាំការនៃគណៈកម្មាធិការរណសិរ្សមាតុភូមិវៀតណាមខេត្តជូនប័ណ្ណសរសើរអនុវត្តសម្រេចឆ្នើមភារកិច្ច ពីឆ្នាំ ២០១៦ - ២០១៩ សម្រេចកិត្តិនាមយុទ្ធជនប្រឡងប្រណាំងមូលដ្ឋាន និងបានប្រធានគណៈកម្មាធិការប្រជាជនខេត្តជូនកិត្តិនាមយុទ្ធជនប្រឡងប្រណាំងថ្នាក់ខេត្ត ដំណាក់កាល ២០១៦ - ២០១៨។ ក្នុងអង្គសន្និបាតប្រឡងប្រណាំងស្នេហាជាតិរណ​សិរ្សមាតុភូមិវៀតណាមលើកទី​ ៥ ដំណាក់កាល ២០២០ -២០២៥ បងជាគំរូឆ្នើមមួយរូបក្នុងចំណោម ៤០ រូប ​ ទទួលបានប័ណ្ណសរសើររបស់នាយករដ្ឋមន្ត្រីនៃរដ្ឋាភិបាល “ព្រោះមានស្នាដៃឆ្នើមក្នុងការងាររណសិរ្ស ជាគំរូឆ្នើមក្នុងបណ្តាចលនាប្រឡងប្រណាំង អាស្រ័យរណសិរ្ស មាតុភូមវៀតណាមបំផុស ​ពីឆ្នាំ ២០១៦-២០១៩”។

     តាមបងសួស្ដី ទន្ទឹមនឹងជំរុញមាំការរៀនសូត្រនិងធ្វើតាមសតិអារម្មណ៍ សីលធម៌ ឥរិយាបថ ហូជីមិញ ការរៀនសូត្រពីសហជីវិននិងបណ្ដាបទពិសោធន៍ជាក់ស្ដែងក្នុងការងារបានជួយឲ្យបងទទួលបានស្នាដៃដូចសព្វថ្ងៃ។ បងសួស្តីបានឲ្យដឹងបន្ថែមថា៖ នៅពេលខាងមុខខ្ញុំនឹងខិតខំជាងទៀតដើម្បីស័ក្ដិសមជាមួយនឹងការជំនឿទុកចិត្តរបស់គណៈដឹកនាំនិងសមូហភាពស្ថាប័ន៕           

ប្រែសម្រួល៖ សុខា