កម្មវិធីប្រឡងសម្រស់នារីខ្មែរលើកទី ២៖ បេក្ខនារីគឹមធីរីដាទទួលជ័យលាភីលេខ ១

បេក្ខនារី គឹមធីរីដា (ទី ២ ខាងឆ្វេង) ទទួលជ័យលាភីលេខ ១។

ចូលរួមប្រឡងវគ្គផ្ដាច់ព្រ័ត្រ មានបេក្ខនារី ២០ រូប ដែលបានជ្រើសរើសក្នុងចំណោមបេក្ខនារី ១៦០ រូបឆ្លងកាត់ខ្លឹមសារប្រឡង៖ សម្ដែងកាយវិការ និងល្បងប្រាជ្ញាដោយឆ្លើយសំណួររបស់គណៈមេប្រយោគជុំវិញបញ្ហាវប្បធម៌ ប្រពៃណី ទំនៀមទម្លាប់ខ្មែរ ។ល។ ជាលទ្ធផលបេក្ខនារីគឹមធីរីដា មកពីភូមិក្នុងស្រុក ឃុំហ្វាឡើយ ស្រុកចូវ​ថាញ់  ខេត្តត្រាវិញ មានលេខសម្គាល់ ០៨៩ ទទួលបានជ័យលាភីលេខ ១។ បេក្ខនារី ថាច់ធីកេវតៀង  មកពីភូមិមេពាំង ឃុំផុងភូ ស្រុកកូវកែ មានលេខសម្គាល់ ០៦៨ ទទួលជ័យ​លាភីលេខ ២។ បេក្ខនារីឡឹមធីហូវមានលេខ​សម្គាល់ ០០៥ មកពីភូមិបឹងក្រចាប់ថ្មី ឃុំតឹងហ៊ឹង  ស្រុកឡុងភូ ខេត្ត សុកត្រាំង ទទួលជ័យលាភី លេខ ៣។
បានដឹងថា បន្ទាប់ពីជោគជ័យនៃកម្មវិធីប្រឡង “សម្រស់នារីខ្មែរ” លើកទី ១ កាលឆ្នាំ ២០២០ ក្រុមខេមរារក្សាវប្បធម៌បានចាត់តាំង ពិធីប្រឡង “សម្រស់នារីខ្មែរ” លើកទី ២ ឆ្នាំ ២០២២។ គោលដៅនៃពិធីប្រឡងគឺដើម្បីលើក តម្កើងសម្រស់នារីខ្មែរនៅតាមភូមិ ស្រុកក៏ដូច ជារៀបចំឲ្យមានកន្លែងកម្សាន្តមួយត្រឹមត្រូវសម្រាប់នារីខ្មែរគ្រប់រូប។
បេក្ខនារីដែលចូលរួមប្រឡងគឺនារីដែលកំពុងរស់នៅបណ្ដាខេត្តនៃភូមិភាគខាងត្បូង មានអាយុពី ១៦ ដល់ ៣០ ឆ្នាំនៅលីវ មានកម្ពស់ពី ១,៥៥ ម៉ែត្រឡើងទៅ៕         ដំណឹង-រូបថត៖ ថាច់ហ្វាង