អ្នកមានប្រជាប្រិយភាពរួមចំណែកផ្សព្វផ្សាយក្នុងការងារបោះឆ្នោត

លោកគឹមត្រឿង (កណ្តាល)​​ តែងអញ្ជើញទៅវត្តជួបពិគ្រោះយោបល់ពីការងារផ្សព្វផ្សាយ
ជាមួយព្រះចៅអធិការវត្តផ្នោរកំបុត​។
     ក្នុងនាមជាអ្នកមានប្រជាប្រិយភាព និងជាអា រាមាភិបាល លោកមា គឹមត្រឿង និងគណៈអារា មាភិបាលតែងសកម្មក្នុងការផ្សព្វផ្សាយពីច្បាប់បោះឆ្នោតប្រគេន-ជូនដល់ព្រះសង្ឃ និងពុទ្ធបរិស័ទចំណុះជើងវត្តគងជ័យរឹងរិទ្ធិស័ក (ផ្នោរកំបុត) ផ្នោរកំបុតនៅបណ្តាថ្ងៃ ០៨ រោច ០៨ កើត ថ្ងៃពេញបូរមីនិងថ្ងៃខែដាច់។ល។
     ដោយមានសក្តានុភាពជាអារាមាភិបាលវត្ត គាត់តែងស្និទ្ធស្នាលជាមួយព្រះសង្ឃ និងពុទ្ធបរិស័ទ ជានិច្ច។ ព្រះតេជគុណគឹមឆាយវ៉ារីយ៍ ព្រះចៅអធិការវត្តផ្នោរកំបុតមានថេរដីកាថា៖ លោកមា គឹមត្រឿង តែងចូលរួមយ៉ាងសកម្មក្នុងការងារវត្ត និងការងារសង្គម។ គាត់តែងឆ្លៀតពេលអញ្ជើញមកវត្តដើម្បីផ្សព្វផ្សាយចលនាពុទ្ធបរិស័ទឲ្យអនុវត្តល្អតាមគោលការណ៍ គោលមាគ៌ា គោលនយោបាយ ក្រឹត្យច្បាប់របស់បក្ស និងរដ្ឋ ជាពិសេសគឺផ្សព្វផ្សាយពីការបោះឆ្នោតតំណាងរដ្ឋសភានីតិ កាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦។
     ដើម្បីទុកឱ្យប្រជាជនងាយយល់ក្នុងការបោះឆ្នោតខាងមុខនេះ លោកមាគឹមត្រឿងតែងពិភាក្សា និងពន្យល់ត្រួសត្រាយឲ្យប្រជាជនបានងាយយល់ អំពីការរៀបចំឲ្យការបោះឆ្នោត។ ជាពិសេស ចាប់ពីពេលបិទប្រកាសបញ្ជីរាយនាមបេក្ខជន ចេញឈរឆ្នោតជាសាធារណៈនៅទីស្នាក់ការឃុំ តាមមណ្ឌលបោះឆ្នោត លោកមាបានចូលរួមប្រកាសទូលំទូលាយជូនពុទ្ធបរិស័ទ និងប្រជាជននៅមូលដ្ឋានដើម្បីស្វែងយល់ពីជីវប្រវត្តិសង្ខេបរបស់បេក្ខជនចេញឈរឆ្នោតតំណាងរដ្ឋភានីតិកាលទី ១៥ និងតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិកាល ២០២១-២០២៦។ ទន្ទឹមនឹងនោះ លោកមានៅទាំងសកម្មចលនាមាមីងត្រូវទៅបោះឆ្នោតដោយផ្ទាល់ខ្លួន មិនត្រូវ ពឹងអ្នកដទៃទៅបោះឆ្នោតជំនួសឡើយ។ល។
     លោកមា គឹមត្រឿង មានប្រសាសន៍ថា៖ ខ្ញុំតែងរៀបរាប់បញ្ជាក់ ពីខ្លឹមសំខាន់ៗ នៃការបោះឆ្នោតដោយភាសាខ្មែរ។ ខ្ញុំបញ្ជាក់ថាមាមីងចូលរួមបោះឆ្នោតគឺអនុវត្តសិទ្ធិ និងកាតព្វកិច្ចរបស់ពលរដ្ឋ។ ប្រជាជនទៅបោះឆ្នោតដើម្បីជ្រើសអ្នកមានគុណសម្បត្តិ វិជ្ជាសម្បត្តិ សមជាអ្នកតំណាងឲ្យប្រជាជនដើម្បីនាំពាំមានយោបល់ស្នើ ឆ្លុះបញ្ចាំងឡើង ដល់បក្ស និងរដ្ឋ បណ្តាស្ថាប័នមានសមត្ថកិច្ចដោះស្រាយ និងអនុវត្តគោលនយោបាយឲ្យស្របតាមគំនិត និងគោលបំណងរបស់ប្រជាជន ដើម្បី ឧបត្ថម្ភតំបន់ឆ្ងាយដាច់ស្រយាលតំបន់ជនរួមជាតិ ខ្មែរឲ្យមានការអភិវឌ្ឍន៍លើគ្រប់វិស័យ។
     តាមលោកមាគឹមត្រឿង ប្រសិនបើចង់ឲ្យប្រជាជនទុកចិត្ត ដំបូងបង្អស់ខ្លួនឯង និងក្រុមគ្រួសាររបស់ខ្លួនត្រូវធ្វើជាគំរូ។ ដោយមានទស្សនៈនោះ លោកមា និងក្រុមគ្រួសារគាត់តែងធ្វើជាគំរូក្នុងការអនុវត្តតាមគោលការណ៍ គោលមាគ៌ា គោល នយោបាយ ក្រឹត្យច្បាប់របស់បក្ស និងរដ្ឋ សារាចរ សេចក្តីសម្រេចចិត្ត របស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ក៏ដូចជាលក្ខន្តិកៈ និង គតិកាសញ្ញារបស់មូលដ្ឋាន។ សកម្មចូលរួមក្នុង ចលនាពង្រីកសេដ្ឋកិច្ច សង្គមនៅមូលដ្ឋាន។ គ្រួសារ លោកមាតែងមានរបៀបរស់នៅល្អ ស័ក្តិសម ជាគំរូសម្រាប់គ្រួសារដទៃ និងសហគមន៍យក តម្រាប់តាម។ តាំងពីឆ្នាំ ២០០៦ រហូតមកទល់ ពេលនេះ គ្រួសារលោកមាតែងបានទទួលស្គាល់ ជាគ្រួសារវប្បធម៌ថ្នាក់ឃុំ និងស្រុកបានគណៈកម្មា ធិការប្រជាជនស្រុកជូនលិខិតសរសើរសម្រេចស្នាដៃឆ្នើមក្នុងចលនា " ទូទាំងប្រជាជនសាមគ្គី កសាងជីវភាពរស់នៅវប្បធម៌" ។
     លោក គឹមវុាំងឌឹក  ប្រធានគណៈកម្មការប្រជា​ជនភូមិកិញឆាងឲ្យដឹងថា៖ "អាស្រ័យមានកិត្យានុភាព និងយល់ច្បាស់សភាពការណ៍ជាក់ស្តែង របស់មូលដ្ឋាន ព្រមទាំងស្ទាត់ជំនាញឧភ័យភាសា ទំនៀមទម្លាប់របស់ជនរួមជាតិខ្មែរផងនោះ លោក មាគឹមត្រឿងតែងម្ចាស់ការផ្សព្វផ្សាយពីការងារបោះឆ្នោតបានល្អជូនសមាជិកក្នុងគ្រួសារ ព្រះសង្ឃ និងពុទ្ធបរិស័ទក្នុងភូមិ។ ម៉្លោះហើយលោក មាបានមាមីងស្តាប់និងយកតម្រាប់តាមជាក់ស្តែង ដូចជាបណ្តាថ្ងៃជួបជាមួយម្ចាស់ឆ្នោត លោកមាបាន អញ្ជើញមាមីងក្នុងភូមិចូលរួមយ៉ាងកុះករ។
     មិនត្រឹមតែជាអ្នកមានប្រជាប្រិយភាពសកម្ម ក្នុងការផ្សព្វផ្សាយការបោះឆ្នោត ប៉ុណ្ណោះទេ លោកមា គឹមត្រឿង នៅទាំងជាគំរូល្អក្នុងបណ្តាចលនាប្រឡងប្រណាំងស្នេហាជាតិនៅមូលដ្ឋាន ដូចជា៖ បរិច្ចាគដីជាង ៣០០ ម៉ែត្រក្រឡា គិតជាតម្លៃជិត ២០០ លានដុង សម្រាប់ធ្វើផ្លូវជនបទ ចូលរួមសម្រុះសម្រួលការវិវាទវណ័្ឌទំនាស់របស់ប្រជាជន ។ល។ រីឯការពង្រីកសេដ្ឋកិច្ចគ្រួសារ ទោះបីគាត់ មានអាយុចាស់ហើយក៏ដោយ តែគាត់នៅតែមមាញឹកក្នុងការផលិតកសិកម្មដើម្បីបង្កើនប្រាក់ចំណូល។ គ្រួសាររបស់គាត់មានដីស្រែ ១២ កុង និងដីចម្ការ  ០៦ កុង គិតជាមធ្យមក្នុងមួយឆ្នាំគ្រួ សារលោកមាទទួលបានប្រាក់ចំណេញពី ៦០-៧០ លានដុង។ ដោយមានភាពជាគំរូឈានមុខ និងចូលរួមបណ្តាចលនានៅមូលដ្ឋាន លោកមា គឹមត្រឿង បានគណៈកម្មាធិការប្រជាជនស្រុកចូវ ថាញ់ជូនលិខិតសរសើរ "ដោយមានស្នាដៃឆ្នើម ក្នុងការអនុវត្តការងារជនជាតិ និងគោលនយោ បាយជនជាតិរបស់បក្សនិងរដ្ឋ " តាំងពីឆ្នាំ ២០១៨ ដល់ឆ្នាំ ២០២០ ៕    

អត្ថបទ-រូបថត៖  សុជា