បណ្តាសមណស័ក្ដិពុទ្ធសាសនាចូលរួមចែករំលែកជាមួយស្ថានភាពលំបាកក្នុងរដូវកូវីដ ១៩

ព្រះតេជគុណ ថាច់សុវណ្ណ ព្រះចៅអធិការវត្តសិរីវង្សារាម(ផ្នោរអំពូងថ្មី) ឃុំតឹងហ៊ីប ស្រុកថ្កូវ ព្រះអង្គតែងយកព្រះទ័យទុក​ដាក់ដល់ជីវភាពលំបាករបស់បណ្តាគ្រួសារក្រីក្រ រួមជាមួយរដ្ឋអំណាចមូលដ្ឋានជូន​អំណោយជាច្រើនចំណែកដល់ប្រជាជនបណ្តាភូមិ៖ ផ្នោរអំពូង ផ្នោរម្នាង ទ្រព្រះបាទ និងបណ្តាភូមិជិតខាងរបស់ឃុំ។ ព្រះតេជគុណ ថាច់សុវណ្ណ មានថេរដីកាឱ្យដឹងថា៖ ការនិមន្តទៅសួរទុក្ខ ជូនអំ​ណោយដល់ បណ្តាគ្រួសារក្រីក្រ ចាស់ព្រឹទ្ធាចារ្យ អ្នកជំងឺក្រីក្រ។ល។គឺជាទង្វើប្រចាំ។ ថ្វីត្បិតដូច្នោះក៏ដោយ ក្នុងលើកអនុវត្តគម្លាតសង្គម អាត្មាមានការអាទិភាពជាង ពីព្រោះក្នុងរយៈពេលអនុវត្តគម្លាតសង្គម មាមីងមិនបានចេញពីផ្ទះ បើសិនមិនមានការចាំ​បាច់។ ក្នុងបណ្តាគ្រួសារប្រជាជនដែលមានជីវភាពធូរធា សុភមង្គលក៏នៅមានគ្រួ សារលំបាក អភ័ព្វច្រើនផងដែរ។ ដល់ពេលអនុវត្តគម្លាតសង្គមដូច្នេះ គ្រួសារទាំងនេះ​កាន់តែលំបាកជាង។ អាស្រ័យហេតុនោះ ទង្វើរបស់អាត្មាគឺជាការចាំបាច់។ ក្នុងលើកនេះ អាត្មាបម្រុងអំណោយជាង ៤០០ ចំណែកគិតជាតម្លៃជាង ៥០ លានដុងសម្រាប់ជូនគ្រួ​សារពុទ្ធបរិស័ទ បើសិនការអនុវត្តន៍គម្លាតសង្គមនៅអូសអន្លាយជាងទៀត អាត្មានឹង​ឧបត្ថម្ភបន្ថែមទៀត។

ព្រះតេជគុណថាច់សុវណ្ណ ជូនអំណោយដល់គ្រួសារក្រីក្រ។

បានដឹងថា ក្រៅពីការជូនអំណោយដល់គ្រួសារក្រី ព្រះតេជគុណថាច់​សុវណ្ណ នៅទាំងរួមជាមួយរដ្ឋអំណាចមូលដ្ឋានទិញដីមួយកន្លែងទំហំជាង ២.០០០ ម៉ែត្រក្រឡា កសាងផ្ទះមេត្តាធម៌ ០៥ ខ្នងជូនដល់គ្រួសារក្រីក្រ ជាមួយតម្លៃជាង ៤០០ លានដុង។ លោកថាច់ថាញ់ម៉ី ប្រធានគណៈកម្មាធិការប្រជាជនឃុំតឹងហ៊ីបឱ្យដឹងថា៖ ព្រះតេជគុណថាច់សុវណ្ណបានរួមដំណើរជាមួយរដ្ឋអំណាចមូលដ្ឋានអនុវត្តបណ្តាកិច្ចការប្រកប​ដោយស្មារតីស្អាតទាំងសាសនា ថ្លៃថ្លាទាំងសង្គម ជួយដល់គ្រួសារជាច្រើនដោះស្រាយការលំបាកក្នុងជីវភាព។ ព្រះតេជគុណនៅទាំងអនុវត្តបណ្តាលក្ខឋានស្តីពីការកសាងជនបទថ្មីដូចជាកសាងដងផ្លូវភ្លឺ‑បៃតង‑ជ្រះ‑ស្អាត កសាងស្ពានជនបទ។ល។ ជួយដល់មូលដ្ឋានធានាបានការបង្ការទប់ស្កាត់អាសន្នរោគបណ្តើរ ធានាឱ្យការពង្រីកសេដ្ឋកិច្ច-វប្បធម៌-សង្គមបណ្តើរ។

ក្រៅពីព្រះតេជគុណ ថាច់សុវណ្ណ នៅមាអង្គដទៃជាច្រើនទៀតកំពុងមានបណ្តាទង្វើដើម្បីជួយប្រជាជនមិនបណ្តោយទុកឱ្យអ្នកណាម្នាក់ត្រូវខ្វះខាត អត់ឃ្លាន​ ក្នុងលើកអនុវត្តគម្លាតសង្គមនេះឡើយ។ ជាក់ស្តែងដូចជា ព្រះតេជ គុណថាច់រ៉ីយ៍ ប្រធានសមាគម​ព្រះសង្ឃសាមគ្គីស្នេហាជាតិស្រុកកូវង៉ាង ព្រះចៅអធិការវត្តគិរីសុវណ្ណ(ចុងមីសចាស់) ឃុំហ៊ីបហ្វា ស្រុកកូវង៉ាង បំផុសចលនាបានអង្ករជិត ០៤ តោន ថវិកា រួមជាមួយគ្រឿងឧបភោគចាំបាច់សម្រាប់ប្រគេនដល់ព្រះសង្ឃទាំង ២៣ វត្តលើភូមិសាស្រ្តស្រុក។ ទង្វើនោះគឺដើម្បីជួយឱ្យបណ្តាវត្តបំផុសចលនាព្រះសង្ឃអនុវត្តល្អសារាចររបស់នាយករដ្ឋមន្ត្រីនៃរដ្ឋាភិបាល  និងរបស់ប្រធានគណៈកម្មាធិការប្រជាជនខេត្ត។

លោកត្រឹងភឿកហៀង អនុប្រធានគណៈកម្មាធិការប្រជាជនឃុំហ៊ីបហ្វាបានឱ្យដឹង​ថា៖ លើភូមិសាស្រ្តឃុំមានវត្តមហានិកាយខ្មែរ ៤ វត្ត ឱ្យតែមានព្រឹត្តិការណ៍កើតឡើង ឬបណ្តាចលនាអាស្រ័យមូលដ្ឋានផ្សព្វផ្សាយនោះ ព្រះចៅអធិការ គណៈកម្មការគ្រប់វត្តមានការជ្រោមជ្រែងយ៉ាងសកម្ម។ ក្នុងលើកអនុវត្តគម្លាតសង្គម  ព្រះចៅអធិការទាំងនោះ រួមដំណើរជាមួយរដ្ឋអំណាចមូលដ្ឋានគិតគូរបានល្អពីជីវភាពជូន​ប្រជាជននិយាយរួម ជនរួមជាតិខ្មែរនិយាយដោយឡែក បាននឹង​នរចិត្តអនុវត្តបណ្តាការព្រមាន វិធានការបង្ការ ទប់ស្កាត់អាសន្នរោគជំងឺ។ ស្ថិតក្នុងស្ថានភាពលំបាក ក៏មានការលេចឡើងគំរូជាច្រើននៅកន្លែងជាច្រើនជាមួយបំណងចែករំលែកការលំបាក និងរួមជាមួយបណ្តាផ្នែកគ្រប់​លំដាប់ថ្នាក់ជួយប្រជាជនឆ្លងផុតគ្រោះអាសន្នដើម្បីការពារសុខភាពជូនគ្រួសារក៏ដូចជាសហគមន៍បានសុខសប្បាយ៕

អត្ថបទ‑រូបថត៖ ថាច់សម្បតិ្ត