ការខិតខំរបស់សិស្សនៅតំបន់ជ្រៅ

   ច្រើនឆ្នាំបន្តបន្ទាប់ ថាវវី សម្រេចបានកិត្តិនាមសិស្សរៀនពូកែ ទទួលបានរង្វាន់លេខ ១ ផ្នែកខាងតែងសេចក្តីពីរោះ អក្សរស្អាតថ្នាក់ស្រុក រង្វាន់លើកទឹកចិត្តថ្នាក់ខេត្ត ជាពិសេសទទួលបានរង្វាន់ដងប៉ាក់កាក្តីសង្ឃឹមពេលចូលរួមសរសេរសំបុត្រអន្តរជាតិ UPU ឆ្នាំសិក្សា ២០១៩-២០២០។

   ប្អូនថាវវីចូលចិត្តរៀនសូត្រតាំងពីតូចម៉្លេះ ប៉ុន្តែមានពេលខ្លះស្មានថាខ្លួនមិនអាចបន្តការរៀនសូត្របានទៀតពីព្រោះខ្លាចក្រែងគ្រួសារផ្គត់ផ្គង់មិនបាន។ ដោយឃើញការនឿយហត់ និងការស្រឡាញ់របស់ម្តាយបានជំនួយកម្លាំងឲ្យប្អូនបន្តការរៀនសូត្រ។ ថាវវីបានចែករំលែកថា៖ កាលរៀននៅកម្រិតបឋមសិក្សា ឃើញម្តាយនឿយហត់ពេក  ម្នាក់ឯងចិញ្ចឹមបងប្អូនទាំងពីរនាក់ ប្អូនចង់សម្រាករៀនដើម្បីជួយម្តាយ ប៉ុន្តែនៅតូចប្អូនមិនដឹងតើត្រូវជួយម្ដាយធ្វើការងារអ្វី។ ម្តាយពេលណាក៏សង្ឃឹមថាប្អូននិងបងស្រីរៀនបានល្អ មានមុខរបរត្រឹមត្រូវ។ បានម្តាយជំរុញទឹកចិត្តឲ្យប្អូននិងបងស្រីតែងខិតខំរៀនបានល្អ អនាគតចេញសាលាទៅធ្វើការជួយថែទាំម្តាយ។

ប្អូនហឿហ្វិញថាវវី។ រូបថត៖ កីមឡង

   ចែករំលែកអំពីការរៀនសូត្រថាវវីឲ្យដឹងថា៖ រៀងរាល់វិញ្ញាសាតែងមានខ្លឹមសារល្អៗម្ល៉ោះហើយប្អូនតែងបញ្ជាក់ច្បាស់អំពីតម្រូវការនៅរាល់វិញ្ញាសា ក្តាប់បានខ្លឹមសារអំពីការបន្យល់របស់លោកគ្រូ អ្នកគ្រួបានជួយឲ្យប្អូនមានចំណេះដឹងច្បាស់លាស់គ្រប់វិញ្ញាសា និងយល់ឃើញល្អហើយចូលចិត្ត។

   ដើម្បីរៀនបានល្អ រៀងរាល់ពេលទៅសាលារៀន ថាវវីយកចិត្តទុកដាក់ដល់ការពន្យល់មេរៀនរបស់លោកគ្រូអ្នកគ្រូ កត់ត្រាគ្រប់គ្រាន់ បំពេញយោបល់កសាងមេរៀន។ ចំពោះប្អូន ពេលប្រមូលអារម្មណ៍ស្តាប់ពន្យល់នឹងជួយឲ្យយល់មេរៀនប្រមាណ ៧០% នៃចំណេះដឹងនៅលើថ្នាក់។ មកផ្ទះមើលមេរៀន ខិតខំចងចាំពាកពន្យល់របស់លោកគ្រូអ្នកគ្រូឡើងវិញនៅលើថ្នាក់គួបផ្សំនឹងការធ្វើលំហាត់ក្នុងសៀវភៅពុម្ព។ ទន្ទឹមជាមួយវិញ្ញាសាជាច្រើនរៀនសូត្រភ្ជាប់ជាមួយការជាក់ស្តែងម្ល៉ោះហើយជួយឲ្យប្អូនអនុវត្តចំណេះដឹងដែលបានរៀនចូលទៅក្នុងជីវភាព ជួយឲ្យប្អូនយល់មេរៀន បានយូរជាង និងចំណេះដឹងមានផលប្រយោជន៍ជាច្រើនក្នុងជីវភាព។

    អាស្រ័យស្ថានភាពគ្រួសារលំបាក ពេលមកពីរៀន ប្អូនជួយម្តាយធ្វើការងារផ្ទះមួយចំនួននិងរៀបចំពេលរៀន ដកស្រង់មេរៀនមុនពេលទៅកាន់សាលា។ ប្អូនរៀបចំពេលវេលារៀនសូត្រនិងជួយការងារផ្ទះសមស្រប ហើយខិតខំអនុវត្តត្រូវតាមផែនការបានដាក់ចេញ។ ជាពិសេសប្អូនតែងទៅបណ្ណាល័យខ្ចីសៀវភៅ កាសែត ទស្សនាវដ្តីស្រាវជ្រាវបន្ថែម ដើម្បីបង្កើនចំណេះដឹងឲ្យបណ្តាវិញ្ញាសា​លើកកម្ពស់គុណភាពរៀនសូត្រ។ ថាវវីឲ្យដឹងថា៖ កាន់តែអានសៀវភៅប្អូនកាន់តែចូលចិត្ត បានរៀនសូត្រយ៉ាងច្រើនអំពីការអានសៀវភៅ អាស្រ័យអានសៀវភៅបានច្រើនបានជួយឲ្យប្អូនរៀនវិញ្ញាសាអក្សរសាស្រ្តបានល្អ និងទទួលបានរង្វាន់មួយចំនួនក្នុងពិធីប្រឡង “តែងសេចក្តីពីរោះ អក្សរស្អាត”។ ក្រៅពីនោះ លោកគ្រូ អ្នកគ្រូតែងជំរុញទឹកចិត្ត បង្កជាកម្លាំងដើម្បីឲ្យប្អូនចូលចិត្តតែងសេចក្តី ចលនាឲ្យប្អូនចូលរួមសរសេរសំបុត្រអន្តរជាតិ UPU លើកទី ៤៩ (ឆ្នាំសិក្សា ២០១៩-២០២០)។ ប្អូនគ្រាន់តែសរសេរតាមការត្រិះរិះរបស់ខ្លួនអំពីបញ្ហាកំពុងកើតឡើងក្នុងជីវភាពតាមបធានបទរបស់គណៈចាត់តាំងបានដាក់ចេញ ប្អូនមិនស្មានថាបានវាយតម្លៃខ្ពស់ឡើយ។ អាស្រ័យហេតុនោះ ពេលបានជ្រើសដងប៉ាក់កាក្តីសង្ឃឹម ប្អូនរីករាយណាស់ ហើយនឹងខិតខំរៀនសូត្រ លត់ដំជាងនោះទៅទៀត។

   នៅសាលា ថាវវីបានវាយតម្លៃជាសិស្សតែងស្រុះស្រួលជាមួយមិត្តភ័ក្តិ តែងរួមជាមួយមិត្តភ័ក្តិផ្តោះប្តូរមេរៀន។ ប្អូនបានឲ្យដឹង៖ ទោះបីខិតខំក៏ពិតមែន មានពេលខ្លះនៅលើថ្នាក់រៀនប្អូនមិនក្តាប់បានខ្លឹមសារចំណេះដឹងទាំងអស់ពីការពន្យល់របស់លោកគ្រូអ្នកគ្រូទេ ម្ល៉ោះហើយ ក្រោយពេលនោះប្អូនផ្តោះប្តូរជាមួយមិត្តភ័ក្តិ ពឹងមិត្តភ័ក្តិជួយណែនាំបន្ថែមអំពីចំណេះដឹងមួយចំនួនដែលប្អូនមិនទាន់យល់ច្បាស់ ពេលនោះប្អូនចាំមេរៀនបានច្រើន និងបានយូរជាង។ ចំពោះបណ្តាមិត្តដែលយល់មេរៀនស្រពិចស្រពិលពួកប្អូនទៅជួបផ្ទាល់លោកគ្រូអ្នកគ្រូនៅពេលចេញលេងដើម្បីពឹងពន្យល់ឡើងវិញបណ្តាចំណែកដែលមិនទាន់យល់។ ពេលនោះ ប្អូនៗយល់មេរៀនផង ជិតដិតជាមួយលោកគ្រូអ្នកគ្រូផង បង្កជាអារម្មណ៍ស្រុះស្រួលក្នុងការរៀនសូត្រ។

   ថាវវីតែងខិតខំសម្រេចស្នាដៃខ្ពស់ក្នុងការរៀនសូត្រ ថ្វីត្បិតមិនទាន់កំណត់ច្បាស់ថានឹងជ្រើសរបរអ្វី ប៉ុន្តែប្អូនសង្ឃឹមថានឹងជ្រើសបានរបរសមស្របជាមួយលទ្ធភាព ជំនាញរបស់ខ្លួន។ សំខាន់គឺមានការងារធ្វើនឹងថែទាំ តបគុណម្តាយ ជួយគ្រួសារឆ្លងកាត់លំបាក ឈានឡើងមានជីវភាពគ្រប់គ្រាន់ សុភមង្គល៕

ប្រែសម្រួល៖ តឹងង៉ុក