ផ្នែកអប់រំ-បណ្តុះបណ្តាល៖ យកចិត្តទុកដាក់បង្កើនគុណភាពអប់រំក្នុងតំបន់ជនរួមជាតិខ្មែរ

សមណសិស្សសាលាបាលីវត្តខ្ទឹង។ រូបថត៖ រតនា

ដើម្បីបង្កើនគុណភាពកម្មវិធីបង្រៀនអក្សរខ្មែរ មន្ទីរអប់រំ-បណ្តុះបណ្តាលចាត់តាំងហ្វឹកហាត់គ្រូបង្រៀនអក្សរខ្មែរ ២០៦​ នាក់នៅបណ្តាសាលាបឋមសិក្សា អនុវិទ្យាល័យ និងវិទ្យាល័យដែលមានបង្រៀនអក្សរខ្មែរ។ ចាត់តាំងប្រឡងទទួលស្គាល់កម្រិតវិជ្ជាបឋមសិក្សា និងមធ្យមសិក្សាភាសារខ្មែរ ដោយមានសិស្សចូល រួមប្រឡង ២.១០៦ នាក់ (សិស្សបឋមសិក្សា ១.៨៣៩ នាក់ និងសិស្សមធ្យមសិក្សា ២៦៧ នាក់) ដោយឡែកមជ្ឈមណ្ឌលអប់រំជាប្រចាំខេត្តបើកបង្រៀនបាន ២៣ ថ្នាក់ មានសិក្ខាកាម ៩០០ នាក់ចូលរួម និងចាត់តាំងប្រឡងបាន ១០ លើក ដោយមានសិស្សប្រឡងយកសញ្ញាប័ត្រភាសាខ្មែរជិត ១.០០០ នាក់។

មន្ទីរអប់រំ-បណ្តុះបណ្តាលសហការជាមួយបណ្តាមន្ទីរ គណៈ ផ្នែកក្នុងខេត្ត បណ្តាមូលដ្ឋានចាត់តាំងគ្រប់គ្រងតាមដានការអនុវត្តបែបបទ គោលនយោបាយជូនកម្មាភិបាល គ្រូបង្រៀន និងសិស្សដែលសកម្មរៀនសូត្រក្នុងតំបន់ជនរួមជាតិខ្មែរ អនុវត្តបណ្តាកម្មវិធីដកពិសោធន៍ភាសាខ្មែរអនុវិទ្យាល័យ ដើម្បីឆ្លើយតបតម្រូវការរៀនសូត្រ បំណងរបស់សិស្ស នៅតំបន់ជនរួមជាតិខ្មែរ។ ទន្ទឹមនឹងនោះ សហការជាមួយសាលាបម្រុងមហាវិទ្យាល័យទីក្រុងហូជីមិញពិនិត្យជម្រើសសំណុំលិខិតរបស់សិស្សចុះឈ្មោះប្រព័ន្ធបម្រុងមហាវិទ្យាល័យជនជាតិឆ្នាំសិក្សា ២០២០-២០២១ ចំនួន ១១៧ សំណុំ៕

ឆ្នាំសិក្សា ២០២១‑២០២២ កាត់ បន្ថយបាន ១៤ មណ្ឌលសាលា និង ៣៩ មណ្ឌលសាលារាយ បើប្រៀបជា មួយឆ្នាំសិក្សាមុន

អនុវត្តការពិនិត្យឡើងវិញ គម្រោងផែនការពង្រីកបណ្ដាញមូលដ្ឋានអប់រំ ឆ្នាំសិក្សា ២០២០‑២០២១ មន្ទីរអប់រំ-បណ្តុះបណ្តាលសហការជាមួយគណៈកម្មាធិការប្រជាជនស្រុក ទីផ្សាររួមខេត្ត ទីក្រុងក្នុងខេត្តបន្តរៀបចំ ចាត់តាំងមកវិញបណ្តាសាលារៀន ធានាទ្រង់ទ្រាយសមស្របតាមលក្ខការណ៍ងាយស្រួលដល់ប្រជាជន ធានាសិទ្ធិនិងផលប្រយោជន៍សិក្សារបស់សិស្ស។ ទន្ទឹមនឹងនោះយកចិត្តទុកដាក់បង្កើនគុណភាពអប់រំ បន្សុទ្ធសម្រាំងយន្តការគ្រប់គ្រងសមស្របជាមួយការបត់បែង សំណូមពរពង្រីកសេដ្ឋកិច្ច‑សង្គមនៅមូលដ្ឋាន។

ម៉ោងប្រជុំជីវភាពរបស់សិស្សសាលាជនជាតិអន្តេវាសិកស្រុកចូវថាញ់។ រូបថត៖ ង៉ុកស្វង

ចុងឆ្នាំសិក្សា ២០២០‑២០២១ បណ្តាមូលដ្ឋានកាត់បន្ថយបានសាលារៀន ១៤ កន្លែង បើប្រៀបជាមួយឆ្នាំមុន ក្នុងនោះទីក្រុងត្រាវិញបន្ថយបានសាលាមត្យេយមួយ ស្រុកចូវថាញ់បន្ថយបានសាលាបឋមសិក្សា ០៥ កន្លែង ស្រុកទីវកឹងបន្ថយបានសាលាបឋមសិក្សា ០១ កន្លែង ទីផ្សាររួមខេត្តយ្វៀងហាយ បន្ថយបានសាលាអនុវិទ្យាល័យ ០២ កន្លែង ទន្ទឹមនឹងនោះកាត់បន្ថយបាន ៣៩ មណ្ឌលសាលារាយ (រួមមាន សាលាមត្តេយ្យ ២៦ កន្លែង និងបឋមសិក្សា​១៣ កន្លែង) នៅស្រុកកាងឡុង ចូវថាញ់ កូវកែ កូវង៉ាង ថ្កូវ និងទីផ្សាររួមខេត្តយ្វៀងហាយ។ ការរៀបចំ កាត់បន្ថយមណ្ឌលសាលារាយ បង្កលក្ខណៈក្នុងការវិនិយោគទុនកសាងមូលដ្ឋានសម្ភារ បន្ថយពលកម្មប្រយោល រួមចំណែកបង្កើនគុណភាពបង្រៀននិងរៀន៕

ទូទាំងខេត្តមានសាលារៀន  ១៤៣ កន្លែងសម្រេចសម្បទាជាតិ

តាមដំណឹងអំពីមន្ទីរអប់រំ-បណ្តុះបណ្តាល អនុវត្តផែនការកសាងសាលាសម្រេចសម្បទាជាតិ ក្នុងឆ្នាំ​២០២០ និងបណ្តាខែដើមឆ្នាំ​ ២០២១ បណ្តាមូលដ្ឋានក្នុងខេត្តកសាងបាន ១៧ សាលា សម្រេចសម្បទាជាតិ រួមមានសាលាមត្តេយ្យពន្លក ០៤ សាលា បឋមសិក្សា ០៨ សាលា មធ្យមសិក្សា សាលាអនុវិទ្យាល័យ ០៥ កន្លែង។ បង្កើនចំនួនមកដល់បច្ចុប្បន្នទូទាំងខេត្តមាន ១៤៣/៤០៥ សាលាសម្រេចសម្បទាជាតិ (សម្រេច ៣៥,៣%)។ ក្នុងនោះមានសាលាមត្តេយ្យពន្លក ០៩កន្លែង សាលាបឋមសិក្សា ៨២ កន្លែង ក្រៅពីនោះគឺសាលាមធ្យមសិក្សា សាលាអនុវិទ្យាល័យ។

ការងារកសាងសាលាសម្រេចសម្បទាជាតិ តែងបានផ្នែកអប់រំនិងបណ្តុះបណ្តាលយកចិត្តទុកដាក់ ឆ្លងតាមនោះគឺដើម្បីបង្កើនគុណភាពអប់រំផង និងបង្កលក្ខណៈឲ្យបណ្តាមូលដ្ឋានបានទទួលស្គាល់សម្រេចលក្ខឋានជនបទថ្មីផង ប៉ុន្តែមានសាលាមួយចំនួនសម្រេចសម្បទាជាតិ បានទទួលស្គាល់ពីយូរមកហើយ ដល់រយៈ កាលទទួលស្គាល់ឡើងវិញ ប៉ុន្តែមិនទាន់ធានាគ្រប់លក្ខណៈតាមការកំណត់របស់ក្រសួងអប់រំ-បណ្តុះបណ្តាល អំពីការទទួលស្គាល់សាលាសម្រេចសម្បទាជាតិ។ ហេតុនោះ ផ្នែកអប់រំ-បណ្តុះបណ្តាលរួមជាមួយបណ្តាមូលដ្ឋាន បន្តឧបត្ថម្ភបណ្តាសាលារៀន វិនិយោគទុនកសាងមូលដ្ឋានសម្ភារ ដើម្បីឆ្លើយតបតម្រូវការ និងបន្តបានទទួលស្គាល់សាលាសម្រេចសម្បទាជាតិ៕        

ប្រែសម្រួល៖ សុខា