ជនរួមជាតិខ្មែរត្រៀមបម្រុងទទួលអំណរបុណ្យចូលឆ្នាំថ្មី

វត្តខ្មែរតែងជាកន្លែងប្រព្រឹត្តឡើងសកម្មភាពជាច្រើនក្នុងឱកាសបុណ្យចូលឆ្នាំថ្មី។

         ព្រះតេជគុណសឺនថាញ់ស៊ី ព្រះចៅអធិការវត្តនិគ្រោធារាម(ជ្រៃប្រាសាទ)មានសង្ឃដីកាឱ្យដឹងថា៖ បុណ្យចូលឆ្នាំថ្មី ឆ្នាំ ២០២០ ជាពេលដែលមូលដ្ឋានរួមជាមួយបណ្តាផ្នែកគ្រប់លំដាប់ថ្នាក់បង្ការទប់ស្កាត់អាសន្នរោគកូវីដ-១៩ ម៉្លោះហើយ វត្តជ្រៃប្រាសាទគ្មានចាត់តាំងពិធីកិច្ចអ្វីដោយប្រមូលផ្តុំគ្នាច្រើនឡើយ។ ឆ្នាំនេះ នៅដំណាក់កាលនេះ អាសន្នរោគមានការស្រាកស្រាន្តជាបណ្តោះអាសន្ន ម៉្លោះហើយវត្តក៏ត្រៀមបម្រុងចាត់តាំងពិធីបុណ្យឱ្យមានសភាពធំដុំបន្តិច។ ក្រៅពីការអនុវត្តន៍បណ្តាពិធីកិច្ចប្រពៃណី វត្តនៅទាំងចាត់តាំងកម្មវិធីសិល្បៈសម្រាប់យុវវ័យជនរួមជាតិខ្មែរកម្សាន្តក្រោយពេលពលកម្មហត់នឿយ។ ឆ្នាំនេះវត្តទើបបង្កើតបានក្រុមរបាំមួយក្រុម អាស្រ័យហេតុនោះវត្តក៏មានបំណងចាត់តាំងរាត្រីសិល្បៈដើម្បីឲ្យប្អូនៗបានចូលរួមបម្រើអារម្មណ៍របស់ទស្សនិកជន។ នេះជាប្រភេទសិល្បៈប្រពៃណីបុរាណខ្មែរតែងបានមនុស្សជាច្រើនពេញនិយម ក្នុងនោះ អ្នកដែលចូលចិត្តបំផុតគឺអ្នកមានវ័យចំណាស់។  ជាមួយដៃទាំងគូទន់ភ្លន់របស់ស្ត្រីខ្មែររួម ជាមួយចង្វាក់រាំយ៉ាងរស់រវើក គួបផ្សំជាមួយសម្រស់ស្រស់ស្អាតតែងទាក់ទាញទស្សនិកជនមកចូលរួមជាមួយរាត្រីសិល្បៈ។

         ឆ្នាំនេះជនរួមជាតិខ្មែរចាត់តាំងពិធីអំណរបុណ្យចូលឆ្នាំថ្មីនៅដើមខែពិសាខ។ ជារៀងរាល់ឆ្នាំ រយៈពេលនេះច្រើនមានភ្លៀង ម៉្លោះហើយការត្រៀមបម្រុងបុណ្យចូលឆ្នាំថ្មី ក៏បានបណ្តាវត្តយកចិត្តទុកដាក់ជាង។ ជាក់ស្តែងដូចជាការពូនភ្នំខ្សាច់ក្នុងពិធីបុណ្យចូលឆ្នាំថ្មី បើប្រៀបជាមួយរាល់ឆ្នាំ ធ្វើតែនៅកន្លែងស្រឡះគ្មានអ្វីបាំងពីខាងលើឡើយ ចំពោះឆ្នាំនេះបានប្រក់ដោយផ្ទាំងកៅស៊ូពីលើបង្ការ ភ្លៀងកុំឱ្យភ្នំខ្សាច់រលាយ។ ពីព្រោះពិធីពូនភ្នំខ្សាច់ជាពិធីកិច្ចមួយប្រកបដោយលក្ខណៈជំនឿអំពីកម្មផល មានមនុស្សជាច្រើនចូលរួមអុជធូបបន់ផ្សង សង្ឃឹមថាបណ្តាអពមង្គលក្នុងឆ្នាំចាស់នឹងផុតរលត់អស់ទៅ សំណាងវាសនានឹងមានមកដល់ខ្លួន។ អាស្រ័យហេតុនោះក្នុងបណ្តាថ្ងៃបុណ្យចូលឆ្នាំថ្មី នៅតំបន់ ភ្នំខ្សាច់ ច្រើនឃើញមានមនុស្សជាច្រើនផ្តុំគ្នានៅទីនោះ អ្នកខ្លះនៅទាំងនាំយកខ្សាច់ពីគ្រួសាររបស់ខ្លួនមកពូនធ្វើជាភ្នំក្នុងឱកាសបុណ្យចូលឆ្នាំថ្មីទៀតផង ដោយប្រាថ្នារាល់ភ័ព្វសំណាងល្អៗកើតមានដល់ខ្លួនក្នុងឆ្នាំថ្មី។

         ត្រៀមបម្រុងបុណ្យចូលឆ្នាំថ្មី មូលដ្ឋានជាច្រើនក៏ជំរុញមាំអនុវត្តគោលនយោបាយចំពោះជនរួមជាតិខ្មែរផងដែរ។ ឃុំដូងចូវ ស្រុកយ្វៀងហាយ ជាមូលដ្ឋានមួយក្នុងចំណោមមូលដ្ឋានអនុវត្តល្អគោលនយោបាយចំពោះជនរួមជាតិខ្មែរ បានថ្នាក់លើវាយតម្លៃខ្ពស់។ ក្រៅពីការអនុវត្តន៍គោលនយោបាយសុខុមាលភាពសង្គម ឃុំនៅទាំងពិនិត្យឡើងវិញបណ្តាមុខសញ្ញាដែលត្រូវឧបត្ថម្ភទាន់ពេល ដើម្បីដោះស្រាយបានការលំបាកមួយចំណែកជូនមុខសញ្ញាទាំងនោះទទួលអំណរបុណ្យចូលឆ្នាំថ្មី។

       លោកស្រីផាមធីយុង ប្រធានគណៈកម្មាធិការប្រជាជនឃុំដូងចូវបានឱ្យដឹង៖ ដើម្បីបរិយាកាសបុណ្យចូលឆ្នាំថ្មីរបស់ជនរួមជាតិខ្មែរបានកក់ក្តៅ មូលដ្ឋានក៏បានត្រៀមអនុវត្តគោលនយោបាយមួយចំនួនទាក់ទងដល់ជនរួមជាតិខ្មែរលើភូមិសាស្រ្តឃុំ។ ក្នុងនោះ មានបម្រុងទេយ្យវត្ថុទៅសួរសុខទុក្ខប្រគេនព្រះសង្ឃបណ្តាវត្តលើភូមិសាស្រ្ត ជូនគ្រួសារគោលនយោបាយជនរួមជាតិខ្មែរ។ អំណរបុណ្យចូលឆ្នាំឆ្នាំនេះ ទោះបីអាសន្នរោគកូវីដ-១៩ស្រាកស្រាន្តជាបណ្តោះអាសន្ន ប៉ុន្តែមូលដ្ឋាននៅតែផ្សព្វផ្សាយ បំផុសចលនាដល់បណ្តាវត្ត ជនរួមជាតិខ្មែរត្រូវមានការប្រុងប្រយ័ត្នជាមួយអាសន្នរោគ ជាក់ស្តែងគឺអនុវត្តល្អការកំណត់មួយចំនួនរបស់ផ្នែកសុខាភិបាលដើម្បីធានាការបង្ការ ទប់ស្កាត់អាសន្នរោគមានប្រសិទ្ធភាព។

         រួមជាមួយការចាត់តាំងបណ្តាពិធីកិច្ចក្នុងឱកាសបុណ្យចូលឆ្នាំថ្មី បណ្តាល្បែងប្រជាប្រិយក៏បានវត្តមួយចំនួនត្រៀមបម្រុងចាត់តាំងជូនដល់ពុទ្ធបរិស័ទផងដែរ។ ក្នុងនោះ បណ្តាល្បែងវាយឆ្នាំង លោតការុង។ល។ ជាបណ្តាល្បែងតែងបានចាត់តាំងនៅបណ្តាថ្ងៃបុណ្យចូលឆ្នាំថ្មី ពីព្រោះនេះជាល្បែងគ្មានការបែងភេទ ទោះបុរសឬស្ត្រីក៏អាចចូលរួមបានទាំងអស់។

           ត្រៀមបម្រុងឱ្យបុណ្យចូលឆ្នាំថ្មីឆ្នាំនេះ ជាពេលដែលមាមីងខ្មែរនៅកន្លែងមួយចំនួនទើបប្រមូលផលស្រូវរដូវសម្រករួចរាល់។ ជាមួយទិន្នផលសម្រេចខ្ពស់បង្គួរ គិតជាមធ្យមប្រមាណ ៦,៤ តោនក្នុងមួយហិកតា លក់ជាមួយតម្លៃពី ៦.៤០០-៦.៥០០ ដុងក្នុងមួយគីឡូក្រាមជួយឱ្យមាមីងកសិករជាច្រើនរីករាយ។ បងថាច់ធីរ នៅភូមិផ្នោរអំពូង ឃុំតឹងហ៊ីប ស្រុកថ្កូវឲ្យដឹងថា៖ ឆ្នាំនេះគ្រួសារខ្ញុំទើបប្រមូលផលស្រូវរដូវសម្រក រួចស្រេច  ទិន្នផលសម្រេច ៦,៥ តោនក្នុងមួយហិកតា ហើយលក់ជាមួយតម្លៃ ៦.៥០០ ដុងក្នុងមួយគីឡូក្រាម។ ជាមួយផ្ទៃដី ១,៤ ហិកតា គ្រួសារទទួលបានប្រាក់ចំណេញជិត ៤០ លានដុង។ អាស្រ័យហេតុនោះ អំណរបុណ្យចូលឆ្នាំថ្មីឆ្នាំនេះក៏ចាត់ទុកជាអំណរអំណោយផលស្រូវចំពោះគ្រួសារខ្ញុំដែរ៕  

អត្ថបទ-រូបថត៖ សម្បត្តិ